صورتى في البطاقة |
شوفتوا صورتى ف البطاقة؟
قرد طالع من خناقة
رغم إن البدلة كاملة!
والقميص أبيض بياقة!
صورة طالعة لفار ف حفرة
مش ناقصله إلا طاقة
....
بيقلولي ليه التناكة
صورة حلوة آخر شياكة
هيا يابنى دي الفتاكة
طبعاعارفها وبشكل حصرى
واحد ف عشة مليانة طينة
ويقول عشاكو اليوم ف قصرى
بس أوعى تغلط وترازينا
خليك كده أمور و عصرى
وللا هاتطلع ف الرواقة
وتبقى يابنى آخر حماقة
ويخلوا صورتك زي صورتي
اللي شايفها ف البطاقة
ـــــــــــــــــــــ